View English version

Toe tofia Faumuina e avea ma Pule Sili o le SNPF

Ua faamaonia e le Kapeneta le toe filifilia o le Afioga ia Faumuina Esther Lameko Poutoa e avea ma Pule Sili o le Faalapotopotoga o Faaputugatupe mo le Lumanai Manuia (SNPF) mo le isi tolu tausaga.

O le faatolu lea ona tofia Faumuina i lenei tofiga, lea na ulua’i filifilia ai i le tausaga 2008.

Sa faasalalauina le avanoa mo le silafia lautele, ma na o le Afioga ia Faumuina na tusi talosaga ane i ai.

Sa faia le iloiloga ma valaau ai e le Komiti Faatonu se faatalatalanoaga ma le Afioga ia Faumuina.

Na mae’a le faatalatalanoaga ma tuuina mai ai loa le fautuaga a le Komiti i le Kapaneta mo sana faaiuga.

O le Afioga ia Faumauina ua silia ma le 21 tausaga o tautua i totonu o Faalapotopotoga a le Malo. O lo o avea foi Faumuina ma Faatonu i nisi o Komiti a le Malo. O se Tausitusi Faamauina i totonu o Samoa ma o lo o saofai foi i le Fono Faatonu a le Faalapotopotoga a Tausitusi o Samoa.

O lo o ia umia le faailoga o le Masters Degree i tulaga tau Pisinisi ma Tekonolosi mai le Iunivesite o New South Wales ma le Bachelor of Arts Degree mai le Iunivesite o le Pasefika i Fiti.

O Faumuina e mai alalafaga o Sapunaoa ma Fasitoo Tai, ma o se Tiakono o le Ekalesia New Wine Worship Centre. Ua faaipoipo ma e to’alima o laua alo.


Reappointment of SNPF Chief Executive

Cabinet has approved the reappointment of Faumuina Esther Lameko-Poutoa as Chief Executive Officer for the Samoa National Provident Fund.

This is Faumuina’s third consecutive term in office. She was first appointed in 2008.
The vacancy was advertised for public interest and only Faumuina submitted an application.

After assessment, an interview of the applicant was conducted by the Board of Directors after which a recommendation was submitted to Cabinet for its final decision.

Faumuina has served in the public sector for over 21 years. She is a Certified Accountant and a member of the Executive Council of the Samoa Institute of Accountants and works as a Director on a number of Boards promoting the interests of SNPF.

She holds a Masters Degree in Business & Technology from the University of New South Wales and Bachelor of Arts Degree from the University of the South Pacific.

Faumuina hails from the villages of Sapunaoa and Fasitoo Tai. She also serves as a Deacon for the New Wine Worship Centre Church. She is married with five children.

Leave a Reply

Your email address will not be published. Required fields are marked *