Press Secretariat Logo

 

 

 

 

CABINET RELEASE (English and Samoan)
8 April 2016

 

1.  Fausia o fale afi alu i le suavai e tolu
Ua faamaonia e le Kapeneta le tuuina atu o le konekarate i le kamupani a le Pernix Group/MAP JV mo le fausia o fale afi alu i le suavai e tolu i Faleaseela, Fausaga-Tafitoala ma Faleata.

Na faasalalauina tauofoga mo le faia o nei galuega mo le silafia lautele, ma e fitu kamupani na tuuina ane tusi tauofo.

Na iloiloina tauofoga uma e le Soa Komiti e fua i aiaiga o le tauofoga ma tuuina mai ai loa le fautuaga mo le faia o le faaiuga a le Kapeneta.

Construction of three hydro power plants
Cabinet has awarded the contract to Pernix Group/MAP JV company for the construction of three new hydro power plants at Faleaseela, Fausaga-Tafitoala and Faleata.

The tender for the projects was advertised for public interest and seven companies submitted applications of bids.

An assessment of the tenders was conducted by the Sub Committee according to the tender requirement before a recommendation was submitted to Cabinet for approval.

2.  Aoaoga faatatau i le laau o le umala
Ua faamaonia e le Kapeneta le auai atu o le sui o Samoa i le aoaoga mo le faailoaina o iniseti ma faamai faalafua o le laau o le umala lea e faia i Papua Niu Kini i le 18 – 22 o Aperila 2016.

O le faamoemoe ia lava le tomai o sui auai faatatau i iniseti ogaoga ma faamai e aafia ai lenei laau mo le fofoga taumafa o tagata, ma e mafai ona taliu mai ma faaauau aoaoga ma suesuega i totonu o latou lava atunuu.

O le auai atu o le sui o Samoa o se valaaulia mai le Faalapotopotoga Faafailautusi a le Pasefika mo sui taito’atasi mai atunuu uma o le Pasefika aemaise i atunuu o lo o aofia i le faiga o le Poloketi o le IPM/ICM.

O le umala o le isi laau o lo o ave i ai le faamuamua a lo tatou Malo ona e maua pea le taumafa i taimi uma aemaise i taimi o afa ma matagi malolosi, e le gata i lea ua maua i suesuega, e tasi lea laau e maualuga le tamaoaiga mo le soifua maloloina o tagata.

O se avanoa foi lenei e talanoa ai ma fesootai ma faalapotopotoga mai fafo o le a auai i le aoaoga e mafai ona maua mai ai fesoasoani tau seleni mo Samoa e faaauau ai lenei atinae.

O le Susuga Aleni Uelese o lo o galue i le poloketi lenei i totonu o Samoa lea o le a auai atu i le aoaoga.

Sweet Potato Weevil Workshop
Cabinet has approved the participation by Samoa at the Sweet Potato Weevil Workshop in Lae, Papua New Guinea on 18 – 22 April 2016.

The workshop is an opportunity for key technical experts to learn more about weevils so they are able to organise similar surveys in their own home countries.

Samoa’s participation is an invitation by the Secretariat of the Pacific Community for Pacific countries, especially countries included in the Integrated Pest Management and Integrated Crop Management Project.

Sweet potato is not only a good crop, in terms of healthy eating, it is valued by Samoa in terms of food security as it can be grown/farmed at any time and can survive natural hazards like cyclones.
The workshop will enable Samoa to meet with international partners and organisations to secure funding for this project.

Samoa’s National IPM/ICM Project Coordinator, Susuga Aleni Uelese is attending the workshop.

3.  Polokalame mo le siitai o tomai a le Faletupe o le Lalolagi
Ua faamaonia e le Kapeneta le auai atu o le sui o Samoa i le Polokalame mo le siitia ai o le tomai e mata’ituina ma puleaina o aitalafu – Faletupe o le Lalolagi o lo o faagasolo nei i Amerika mai le aso 28 Mati – 28 o Iuni 2016.

O le polokalame fesoasoani lenei a le Faletupe o le Lalolagi e patino tonu i vaega o le mata’ituina ma le pulea o aitalafu mo atunuu tau atia’e.

E usuia i tausaga uma lenei polokalame, ma o se avanoa taua lenei e fefaasoaa’i ai le iloa o le aufaigaluega a le Faletupe o le Lalolagi ma sui auai i le polokalame.

O le Ofisa Sinia o le Matagaluega o Tupe, Susuga Peresitene Kirifi o lo o fai ma sui o Samoa i lea fono.

World Bank’s Macroeconomics and Fiscal Management Global Practice
Cabinet has approved the participation by Samoa’s representative at the World Bank’s Macroeconomics and Fiscal Management Global Practice in America from 28 March – 28 June 2016.

This is a special assignment appointment under the World Bank Group and the Ministry of Finance under the auspices of the Bank’s Global Secondment Programme.

The programme is conducted every year and provides ample opportunity for participants and World Bank employees to share knowledge and experiences.

The Ministry of Finance Principal Debt Management Officer, Peresitene Kirifi is representing Samoa at the programme.

4.  Anavatau a le Vaega Faaupufai e Puipuia Aia Tatau a Tagata 2016 – 2021
Ua folasia mo le silafia e le Kapeneta le Anavatau a le Vaega Faaupufai e Puipuia Aia Tatau a Tagata (HRPP) 2016 – 2021.

O lenei anavatau o lo o faailoa manino ai le polokalame o galuega fuafua a le Vaega Faaupufai i le lima tausaga o lumanai.

Ua savali nei i le 34 tausaga o tulai mai pea le Vaega lenei i le taitaiga o le Malo talu mai le 1982, lea foi ua toe manumalo i le paeaiga lenei.

O le manulauti o le anavatau, o le siitia lea o le soifua manuia o o tatou tagata i se siosiomaga filemu, maopoopoga ma le galulue soosoo tauau o ona tagata, faapea ma le faatupulaia o avanoa faigaluega mo le au talavou ua i’u mai aoga maualuluga.

O le talitonuga o le Vaega Faaupufai, a manuia le faationga o lenei Anavatau, o le a siitia atili le soifua manuia o tagatanuu uma o Samoa.

O nisi o luitau sa feagai ai i le lima tausaga ua tuanai e aofia ai le faaletonu o le tamaoaiga o le lalolagi ma le tulaga vaivai na oo i ai le tamaoaiga o Saina sa matua aafia ai le tulaga lautele o maketi i atunuu i fafo ma faapea foi ma le Yazaki Samoa. O le isi luitau o le afatia lea o Samoa i le afa o Evan ii le 2012 lea na tele mea na faaleagaina ai e pei o alatele, ala laupapa, vaega o faatoaga, atinae lagolago e pei o faletalimalo ma meatotino a tagata taitoatasi.

O nisi o matati’a na ausia i le lima tausaga talu ai e aofia ai:

  • Siitia o le tulaga o Samoa e avea o se atunuu malosi;
  • Fono a Malo Aufaatasi mo Atunuu Laiti  le lalolagi;
  • Taaloga Tupulaga o le Taupulega;
  • Taaloga a le All Blacks ma le Manu Samoa;
  • Faalautele polokalame tau apu i Ausetalia;
  • Faatauina o le PFL;
  • Feagaigai o le Suiga o le Tau;

O isi taunuuga iloga na ausia e vaega lautetele o le tamaoaiga aofia ai aoaoga, soifua maloloina, faatoaga, atinae o nuu i tua, penisione tagata matutua, vaega o faamasinoga faapea ma atinae autu tetele e i ai suavai ma vai lafoai, malosiaga faaeletise, felauaiga, fesootaiga.

O atinae o lo o ave i ai le faamuamua a le anavatau mo le isi lima tausaga e aofia ai le faatupulaia o avanoa faigaluega, atinae o aoga, faaleleia atili auaunaga faasoifua maloloina, faateleina o atinae o faatoaga, atinae o tagata maimoa mai fafo, atinae o tupulaga talavou, atinae o nuu ma afioaga, mataupu tau suiga o le tau, tulaga tau faamasinoga, faapea ma auaunaga ma atinae tetele.

Human Rights Protection Party Manifesto 2016 – 2021
Cabinet has reviewed the Human Rights Protection Party manifesto 2016 – 2021.

The manifesto announces the development agenda the HRPP will implement over the next five years.

The HRPP has consistently won the right to lead Government for 34 years, since 1982, and has again won the recent general election in March.

The overriding goal of this manifesto is to further advance the social and economic wellbeing of the Samoan people and create employment opportunities for our young people.

Successful implementation of the development agenda outlined in this manifesto will lead directly to achieving a higher and sustainable quality of life for our people.

Some challenges encountered by Samoa in the last five years included the global financial crisis and the slowdown in the Chinese economy in 2012 adversely affected the ability to secure markets for our exports which directly impacted on the Yazaki Samoa. Cyclone Evan that struck the country in the same year, and caused significant damage and incurred substantial losses to key economic infrastructure such as roads and bridges, agriculture, tourist facilities and personal properties, was another challenge.

A number of positive outcomes were also achieved such as:

  • Samoa’s graduation to Middle Income Country status;
  • Hosting of the Third UN SIDS Conference;
  • Hosting of the 2015 Samoa Commonwealth Youth Games;
  • All Blacks – Manu Samoa Game;
  • RSE Scheme extended to Australia;
  • Acquisition of PFL;
  • Climate Change agreement;

At the sector level, there were also significant achievements which include macroeconomic performance, education, health, agriculture, community development, senior citizen pension scheme, justice and infrastructure services such as water and sanitation, energy, transport and communication.

HRPP development priorities for 2016 – 2021 include employment creation, education, health, agriculture, tourism, youth development, community development, climate change, justice and infrastructure services.
5.  Asiasiga faaleaoaoga mo Minisita o Faigafaiva o le Pasefika
Ua faamaonia e le Kapeneta le auai atu o le Afioga i le Minisita o Faatoaga Vaomatua ma Faigafaiva, Afioga Laaulialemalietoa Polataivao Leuatea Schmidt mo le Asiasiga Faaleaoaoga mo Minisita o Faigafaiva o le Pasefika e faia i Niu Sila i le aso 9 – 21 Aperila 2016.

O le asiasiga faaleaoaoga e faailoa ai i Minisita o le Pasefika auala o lo o faatino ai e le Malo o Niu Sila le puleaina o faigafaiva e faatatau lea i le mata’ituina o i’a maua. E le gata i lea ae faasoa mai ai foi a latou galuega o fai mo le silafia e le Pasefika.

O le Ofisa Sili Lagolago o le Matagaluega o Faatoaga, Susuga ia Joyce Samuelu Ah Leong o le a malaga faatasi ma le Afioga i le Minisita i lenei asiasiga.

Fisheries study tour for Pacific Ministers
Cabinet has approved the attendance by Minister of Agriculture Forestry and Fisheries, Afioga Laaulialemalietoa Polataivao Leuatea Schmidt at the Fisheries Study Tour by the New Zealand Government for the Pacific’s Ministers for Agriculture and Fishery on 9 – 21 April 2016.

The study tour will provide participants with the opportunity to view New Zealand’s seafood sector and fisheries management system. This system is hoping to provide a number of useful lessons for the Pacific.

The Ministry of Agriculture Assistant Chief Executive, Joyce Samuelu – Ah Leong will accompany Afioga Laaulialemalietoa at the tour.

###

 

Print Friendly, PDF & Email