Press Secretariat Logo

 

 

 

 

CABINET RELEASE (English and Samoan)
18 May 2016

 

1.  Toe tatala le Kolisi o Avele
Ua faamaonia e le Kapeneta le toe tatala o le Kolisi o Avele e afua atu i le Aso Lulu, 18 o Me 2016.

O le toe tatalaina o le kolisi, e faavae i tuutuuga ma aiaiga ua faataoto e le Kapeneta, e pei ona taua i lalo, faaopoopo i le polokalame ua faataoto mai e le Faalapotopotoga o Tama ma Teine Tuai o Avele ma Faiaoga, ua latou faamaonia ma sainia o le a latou faatinoina e tapu’e atili ai le amio pulea o fanau aoga.

O tuutuuga e aofia ai:

  • O le a faaauau pea galuega a leoleo i fanau aoga ua molia, ma o nei foi fanau aoga e le toe taliaina i le Kolisi o Avele;
  • Ia galulue faatasi le sosaiete a matua, faiaoga, ma le asosi o tama ma teine tuai o le Kolisi o Avele e faatino polokalame e faamalosia ai tu ma aga a Samoa o le faaaloalo, fefaapalepalea’i ma le fetausia’i, ina ia maua’a le totoina i loto o fanau aoga le taua tele o nei aga mo o latou olaga faalea’oa’oga;
  • Ia faamalosia le faatinoina o polokalame e tapu’e ai le ola faaleagaga o fanau aoga i Avele, ina ia i ai le mata’u ma le ava i le Atua, ma ia a’oa’oina i ala o le Atua. O nei polokalame e faaauau ma o le a avea o ni vaega taua o faatinoga a le Kolisi i tausaga uma;
  • Mataitu ma faamalosia le tapu o le tagofia e tamaiti aoga uma o telefoni feaveai i le aoga. Ia fausia lelei ni aulape e aoai ai tamaiti e le usitaia lenei tulaga i taimi o aoga;
  • Faatu le Komiti Faufautua mo le amio pulea e gafa ma le faafoeina o polokalame ma faatinoga uma mo le soloia o amioga pa’aa ma lē taupulea o fanau aoga i Avele. O lenei komiti e aofia ai se faifeau, sui o le komiti a le aoga, ma se tagata tomai faapitoa i tulaga tau apoapoa’i. E galulue soosoo tauau le komiti lenei ma le Matagaluega o Leoleo ma le Matagaluega o Aoga;
  • O le avanoa mulimuli lenei e tuuina atu i le aoga a Avele. Afai e toe tulai mai se isi mataupu i le lumanai e atagia ai le faatupu vevesi o fanau aoga mai Avele, o le a tapunia tumau loa ma le aoga, e aunoa ma se faatalanoaga e toe faia ma faafoi uma ai loa le toatele i isi aoga a le Malo.

Ua faatonuina foi le Matagaluega o aoga ina ia faamalosia loa le vaevaega o aoga ma ia faamalosia loa le aooga o fanau i o latou lava itumalo. O lenei faiga o le a taofia ai le saga omai pea o fanau mai Savaii ma isi itumalo i tua e aooga i aoga i le taulaga, ma tupu ai pea uiga vevesi o lo o taumafai le Malo e taofia.

Ua faatonuina foi le Matagaluega o Aoga ina ia toe iloilo igoa o lo o faaigoa ai Kolisi a le Malo, ina ia ogatasi ma le vaevaega faaitumalo ua i ai nei. O le tasi lea faiga e soloia ai manatu tuai ma uiga pa’aa e mafua mai ona o le mimita faaletagata i le igoa o le aoga.

Ia ta’i tolu masina ma tuuina mai e le Matagaluega o Aoga i le Kapeneta lipoti e uiga i faatinoga o tuutuuga ua taua i luga, i le 12 masina o lo o lumanai ai.

Avele College reopens
Cabinet has made the decision to reopen Avele College as of Wednesday, 18th of May 2016.

The decision to reopen the college is based on conditions directed by Cabinet, as stated below, plus programmes endorsed and signed by the Avele College Old Pupils Association, which will be implemented to ensure the appropriate discipline of students.

The conditions are:

  • Police will continue their investigations, but for students who have already been charged they will not be accepted back at Avele College;
  • That parents, teachers, and the Avele College Old Pupils Association will work together to conduct programmes to promote and instil values and ideals that enhance Samoan culture and traditions. These programmes should highlight the importance of respect, peace and collaboration and instil in the students the significance of culture as an important part of their education and lives;
  • Religious programmes should be enforced to nurture the spiritual beings of students at Avele, so they are God-fearing and respectful. These programmes are to continue and remain a part of the College’s practices every year;
  • Enforce and monitor the ban on cellphone/mobile device access for students during school hours. Formulate a policy to penalise students who do not abide by this rule;
  • Set up an Advisory Committee to conduct programmes and activities for the elimination of bad behaviour by students at Avele College. This committee should include a church minister, a representative of the college committee and a counselling expert. The committee will work together with the Ministry of Police and the Ministry of Education;
  • This is the last opportunity to reopen Avele College. Any involvement of any Avele student in any quarrels or fights in the future will result in the permanent closure of the College without any more deliberations, and students will be transferred to other Government schools.

The Ministry of Education has been directed to enforce the division of Government colleges in to zones, and to encourage students to attend colleges within their own districts. This will discourage students from Savaii as well as Upolu’s rural districts from uprooting from their home villages and travelling great distances to attend school in Apia’s urban areas.

The zoning of schools will help to eliminate interschool violence which has primarily taken place in the town areas of Apia.

The Ministry of Education is also been directed to review the names of government colleges to coincide with the new division of districts and zoning of schools.

The Ministry of Education is expected to submit quarterly reports to Cabinet on the progress of the conditions stated above, for the next 12 months.

2. Toe fausia le auala laupapa i Leonē
Ua faamaonia e le Kapeneta le tuuina atu o le konekarate i le kamupani a le China Railway First Group Fiji Co. Ltd. mo le toe fausia o le auala laupapa i Leonē.

O le auala laupapa lenei na faaleagaina i le vaitaimi o le Afa o Evani.

O lenei tauofoga na faasalalauina mo le silafia lautele ma e fa kamupani na tuuina ane tusi tauofo.

Na faia le iloiloga a le Soa  Komiti i nei tauofoga e tusa ai ma aiaiga i totonu o le tusi o tauofoga ma tuuina mai ai le fautuaga i le Kapeneta mo le faia o le faaiuga.

Reconstruction of the Leonē bridge
Cabinet has awarded the contract to the China Railway First Group Fiji Co. Ltd. for the reconstruction of the bridge at Leonē, which was damaged and has not been in use since Cyclone Evan.

The construction tender was advertised for public interest and four companies submitted applications of bids.

An assessment was conducted by the Sub Committee according to the tender bidding document before a recommendation was tabled before Cabinet for the final decision.

3.  Tulafono Faatonutonu o Tulaga o Tagatanuu i le Teufaafaigaluegaina o Tupe mai Fafo 2015
Ua taliaina e le Kapeneta le Tulafono Faatonutonu o Tulaga o Tagatanuu i le Teufaafaigaluegaina o Tupe mai Fafo 2015.

O le a tuuina atu loa lenei Tulafono i le Ofisa o le Fono Aoao Faitulafono mo le faaliliuina i le gagana Samoa,  ma o le a tuuina atu foi i le Ofisa ole Loia Sili mo tapenaga aua le faamaonia e le Afioga Mamalu i le Ao o le Malo.

E tolu vaega tetele ua vaevaeina i ai lenei tulafono:

  • Vaega 1: Igoa o le Tulafono Faatonutonu, ma le faailoaina o uiga o upu ma le faaaogaina o upu ma vaega eseese o le tulafono.
  • Vaega 2: Taiala mo le faatinoina o le iloiloina o talosaga faapea le totogi ole faatinoina o lea iloiloga faapitoa.
  • Vaega 3: Isi Mataupu e aofia ai le numera faatapula’a o tagatanuu o Samoa, ma tagata e le o ni tagatanuu o Samoa e mafai ona faafaigaluega i se atinae agavaa i lalo ole polokalame. E le gata i lea o le tau o totogi mai e tagata talosaga e agavaa e talosaga mai lalo o lenei polokalame lea ua faatulagaina.

Citizenship Investment Regulations 2015
Cabinet has approved the Citizenship Investment Regulations 2015.

The Regulations will now be handed over to the Office of the Legislative Assembly for translation into the Samoan language, as well as the Office of the Attorney General for review and preparation for promulgation by the Head of State.

The Regulation is divided into three provisions:

  • Part 1: Citation and commencement; interpretation of the regulation.
  • Part 2: Submission of application and fees.
  • Part 3: Minimum number of employees; Fees.

4.  Konesale o le Poloketi o le Faaleleia o le tali atu i suiga o le tau
Ua faamaonia e le Kapeneta le tuuina atu o le konekarate i le konesale o Leilani Duffy-Iosefa mo le faatinoina o le galuega Konesale mo le Poloketi o le Faaleleia o le Tali atu i Suiga o le tau i talafatai ma afioaga.

O le tauofoga mo lenei galuega na faasalalauina mo le silafia lautele ma e toatolu i latou na tuuina ane tauofoga.

Sa iloiloina tauofoga e le Soa Komiti e fua i aiaiga o lo o aofia i totonu o le tusi o tauofoga ma tuuina mai ai le fautuaga mo le faia o le faaiuga a le Kapeneta.

Consultant for the Climate Resilience project
Cabinet has approved the individual consultant contract awarded to Ms Leilani Duffy-Iosefa for the Enhancing the Climate Resilience of Coastal Resources and Communities Project.

The tender was advertised for public interest and three companies submitted applications of bids.

An assessment was conducted by the Sub Committee before a recommendation was tabled before Cabinet for the final decision.

5.  Faatauina, faapipiina ma le faaolaina o le masini faafoma’i (lithotripsy laser)
Ua faamaonia e le Kapeneta le tuuina atu o le konekarate i le kamupani a le South Austral Pty Ltd. mo le faatauina, faapipiina ma le faaolaina o le masini faapitoa mo togafitiga o maa i fatuga’o (lithotripsy laser) mo le Maota Gasegase i Motootua.

O lenei tauofoga na faasalalauina mo le silafia lautele ma e lua kamupani na tuuina ane tusi tauofo.

Na faia le iloiloga i tauofoga e tusa ai ma aiaiga manaomia ma tuuina mai ai loa le fautuaga mo le faia o le faaiuga a le Kapeneta.

New laser for the National Hospital
Cabinet has approved the awarding of contract to the South Austral Pty Ltd. for the procurement of a lithotripsy laser for the Motootua National Hospital.

The tender was advertised for public interest and two companies submitted applications of bids.

The assessment was conducted by the Sub Committee before a recommendation was submitted to Cabinet for approval.

6.  Aso mo le faamamaina o le taulaga aua le faamanatuina o le 54 Tausaga o le Tutoatasi
Ua faamaonia e le Kapeneta le avea o le Aso Toonai 28 o Me 2016, ma aso faapitoa mo le faamamaina o le taulaga i Apia aua le faamanatuina o le 54 Tausaga o le Malo Tutoatasi o Samoa.

E faaaogaina foi Matagaluega ma Faalapotopotoga a le Malo latou te faatinoina lenei galuega ma ua talosagaina foi faauluuluga uma ina ia lagolagoina lenei faamoemoe. O le a gafa foi pisinisi i totonu o le taulaga ma le faamamaina o vaega o lo o i ai a latou pisinisi.

National Clean Up Day for the commemoration of 54 Years of Independence
Cabinet has approved Saturday 28th May 2016 as the National Clean Up Day for the Apia town area in preparation for the upcoming celebration of 54 Years of Samoa’s Independence.

Government Ministries and Corporations are asked to work together to clean the town area, under the supervision and cooperation of the Chief Executive Officers.
The private sector is also asked to join the clean-up efforts and ensure their areas of business are kept clean during our national celebrations.

7.  Fono faapitoa mo tulaga tau aoaoga i Fiti
Ua faamaonia e le Kapeneta le auai atu o sui o Samoa i le fono o le Polokalame Faapitoa mo Aoaoga e taua o le PaBER lea o lo o faagasolo nei i Fiti mai le aso 11 – 20 o Me 2016.

O lenei fono ua faaautu i le tuufaatasia o galuega uma sa faatino i lalo o lenei polokalame mai le tausaga 2012 seia oo mai i le asō.

O lenei polokalame, lea e fitoitonu i le mataituina o faiga o lo o faia ai aoaoga i totonu o le atunuu faapea ma le vaavaai agai i faatinoga o aoaoga i isi atunuu aemaise tulaga o tulafono e limataitaiina ai aoaoga faapea ma polokalame e mafai ona siitia atili ai tulaga o aoaoga aemaise o iuga o suega.

O le usugafono a Samoa e aofia ai le Ofisa Sili o Pulega a le Matagaluega o Aoga, Taaloga ma Aganuu, Dr. Karoline Afamasaga-Fuatai; Ofisa Sili Lagolago, Leota Valma Galuvao ma le Sui o le Polokalame o le PaBER, Maimoana Petaia.

Pacific Benchmarking for education results (PaBER)
Cabinet has approved the participation by Samoa’s delegation at the Pacific Benchmarking for Education Results (PaBER) programme currently held in Fiji from 11 – 20 of May 2016.

The meeting is focused on the triangulation and consolidation of evidence of the work that has been undertaken through the programme since 2012.

PaBER’s main aim is to provide Pacific Islands’ education ministries with a systematic and reliable means of learning from their own systems and from systems in other countries; about the policies, processes and activities that can have a positive impact on the quality of education; and specifically on learning outcomes.

Samoa’s delegation includes the Chief Executive of the Ministry of Education, Sports and Culture, Dr. Karoline Afamasaga-Fuatai; Assistant CEO, Leota Valma Galuvao and local PaBER Coordinator, Maimoana Petaia.

###

Leave a Reply

Your email address will not be published. Required fields are marked *