Press Secretariat Logo

 

 

 

 

CABINET RELEASE (English and Samoan)
 12 August 2016

 

1. Tofia Faimalomatumua avea ma Komesina o Faigapalota
Ua faamaonia e le Kapeneta le tofia o le Afioga Faimalomatumua Mathew Lemisio e avea ma Komesina o Faigapalota mo le isi tolu tausaga.

O lenei avanoa na faasalalauina muamua mo le silafia lautele, ma na o Faimalomatumua na tusi talosaga ane i ai. Na toe faasalalauina faalua, ae leai se tasi na toe tusi talosaga.

O lea na valaau ai se faatalanoaga mo le avanoa e le Komiti Faapitoa mo le Afioga ia Faimalomatumua, ma na faavae i vaega tetele e fa i lalo o le Vaega 36 o le Tulafono o Galuega a le Malo 2004.

I le maea ai o le iloiloga a le Komiti, na tuuina mai ai loa le fautuaga mo le faia o le faaiuga a le Kapeneta.

O Faimalomatumua sa tauaveina tiute faakomesina talu mai ona avanoa lea tofiga. O ia o se Loia, ma e umia le faailoga Tikeri o Vaega Tau Tulafono mai le Iunivesite o le Pasefika i Saute. Sa aoaoina o ia i le Aoga Malisi i Mulivai, Kolisi o Sanele i Moamoa, Kolisi o Samoa ma le Kolisi o Sagato Ioane i Niu Sila.

Na amata galue Faimalomatumua i le Ofisa o Faigapalota mai le tausaga 2013 i le maea ai o lana tautua i le Faalapotopotoga o Malosiaga Faaeletise i le vaega o Tulafono mai le 2010. O le 2008 i le 2010 na galue ai i le Ofisa o le Loia Sili ma sa galue foi i le IRETA/USP i le 2004. Sa galue foi o se tusitala i le nusipepa o le Samoa Observer i le 2001 i le 2004 ma le nusipepa a le Savali i le tausaga 2000 ma le 2001.

O Faimalomatumua o le Sui Peresitene o le Nuanua o le Alofa ma o se sui foi o le Komiti o Taaloga a le kalapu a le Malisi.

O Faimalomatumua e mai afioaga o Alafua, Saleaaumua, Lotofaga, Nofoalii, Saleimoa ma Satupaitea. O ia o se sui o le Ekalesia Katoliko. Ua faaipoipo ma e toalua o laua alo.

Appointment of new Electoral Commissioner
Cabinet has approved the appointment of Faimalomatumua Mathew Lemisio as Electoral Commissioner for the next three years.

The vacancy was first advertised for public interest, and only Faimalomatumua submitted an application. The vacancy was advertised for the second time and no one applied.

Hence the panel called Faimalomatumua for an interview based on Section 36 of the Public Service Act 2004.

After an assessment by the panel, a recommendation was submitted before Cabinet for approval.

Afioga Faimalomatumua has been Acting Electoral Commissioner since the position became vacant. He is a lawyer by profession and holds a Bachelor of Laws degree from the University of the South Pacific. He started education at Marist Brothers Mulivai then continued to Chanel College, Samoa College and St. John College in New Zealand.

Faimalomatumua’s career at the Electoral Office started in 2013, after his service as Legal Officer for the Electric Power Corporation since 2010. Prior to that he was employed at the Office of the Attorney General from 2008 to 2010 and had also worked with IRETA/USP in 2004. Faimalomatumua is a former journalist and had worked for the Samoa Observer from 2001 to 2004 and for the Savali Newspaper from 2000 until 2001.

He is the Vice President of Nuanua o le Alofa and a member of the Marist St Joseph’s Sports Committee.

The new CEO hails from the villages of Alafua, Saleaaumua, Lotofaga, Nofoalii, Saleimoa and Satupaitea. He is a member of the Catholic Church in Samoa, and is married with two children.

2. Fesoasoani tupe $10,000.00 mo le Asosi Tenisi a Samoa
Ua faamaonia e le Kapeneta le tuuina atu o le fesoasoani tupe e $10,000.00 mo le Asosi Tenisi a Samoa e fesoasoani ai mo le taligamalo mo Taamilosaga Tenisi a le Pasefika faapea ma le auai atu i nisi o taamilosaga i atunuu i fafo.

O le taamilosaga a le Pasefika lea na auai mai ai Tahiti, Tonga, Rarotonga ma Amerika Samoa i le vaiaso ua mavae.

O le a auai atu foi le au a Samoa i le taamilosaga tenisi a le Pasefika e faia i Lautoka i Fiti i le aso 15 – 24 Aukuso 2016 ma le Taamilosaga Tenisi Faavaomalo e faia i Vanuatu ia Tesema o le tausaga nei.

O le faamoemoe maualuga ia atinae atili le taaloga i totonu o Samoa aemaise i le tulaga o taaloga faavaomalo.

Financial assistance of $10,000.00 for Samoa’s Tennis Association
Cabinet approved financial assistance of $10,000.00 for the Samoa Tennis Association to help with preparations as hosts of the recent East Pacific Junior Qualifiers tournament last week, and to fund the participation of Team Samoa to international tennis tournaments.

The tournament last week brought teams from Tahiti, Tonga, Rarotonga and American Samoa to our shores.

Samoa will also compete in the Pacific Oceania Junior Championships in Fiji on 15 – 24 August and the Vanuatu Junior Regional Tennis Championships in December.

3. Tuuga fautasi mo le Faaaliga o le Teuila 2016
Ua faamaonia e le Kapeneta le faataunuuina o le tuuga fautasi mo le Faaaliga o le Teuila 2016.  O lea foi ua tatala le avanoa e tauva ai ni vaa mai Amerika Samoa i soo se fausaga o vaa ma foe.  E $150,000.00 ua fesoasoani mai ai le Pulega o Tupe Faavaomalo a Samoa mo le faatupeina o faailoga ma ua faaigoaina o le ‘SIFA Teuila Fautasi Challenge 2016’.

Teuila Festival 2016 fautasi race
Cabinet has approved the fautasi race event as part of the Teuila Festival 2016 celebrations.  The race will be open for fautasi from American Samoa to compete and will also allow any design for fautasi and oars.

The Samoa International Finance Authority has provided financial assistance of $150,000.00 for the race which will be named, ‘SIFA Teuila Fautasi Challenge 2016’.

###

 

Leave a Reply

Your email address will not be published. Required fields are marked *