MULINU’U, 28 AOKUSO, 2020—- O Faasalalauga Tau Televise Analoki I Samoa ole a faamutaina ile Aso 31 Aokuso, 2020. O lenei suiga, o le a mafai ai ele atunuu atoa ona faasee atu ile tulaga o Faasalalauga Tau Televise Faaneionapo ua taua ole Digital TV.
O le Digital TV o le a mafai ai ona faaleleia atili le auaunaga tau televise I le tulaga ole manino o ata, faalauteleina atu ole faasopolia I le mamalu atoa ole atunuu i vaega mamao sa lei maua muamua nei faasalalauga mo le manuia lautele o Samoa.
O lenei faamoemoe o le a tapeina ai faasalalauga o TV analoki I le Aso 31 Aokuso 2020, o le a avea o se laasaga mataina ile tala faasolopito ole atunuu I tulaga o le tulaga maualuga o le a oo iai le siitia o le auaunaga o faasalalauga o faletelevise talu mai ona oo mai lea auaunaga ile 1993.
O lenei faamoemoe o se tapenaga faigata ma le osigataulaga sa mafai ona faailoa ai le galulue faatasi ma le lagolagosua o kamupani o faasalalauga tau TV, ole Kamupani ale Samoa Digital Communication Ltd (SDCL), le tele paaga o Matagaluega ale Malo ma le Malo o Samoa.
Mo le silafia o le mamalu ole Atunuu ina ia mafai ona faamalieina lenei auaunaga Digital TV e fautuaina ina ia;
I. Faatauina se pusa set-top box
II. Faatauina Antenna
III. Uaea ole Digital TV
Mo nisi faamatalaga ile faapipiina o le Digital TV o loo tuuina atu I faasalalauga I luga o le matou Facebook page ale Ofisa ale Pule Faatonu male Kamupani ale SDCL, pe faafesootai mai le Ofisaa ile telefoni 30282
Faafetai tele mo lo outou lagolagosua.
Ma le fa’aaloalo tele,
Perelini Lameko-Masoe
(SUI PULE FAATONU)
