(OFISA O LE SO’OUPU); E tolu teuteuga ole Poloaiga mo Faalavelave Tutupu Faafuasei mo le COVID19 ua faatulafonoina e le Ao Mamalu ole Malo, Tuimalealiifano Vaaletoa Sualauvi II e faavae I fatuaga na solaupuleina ma faamaonia e le Kapeneta ile afiafi nei.
O nei teuteuga olo’o auiliili atu i lalo:
1. Tatalaina o Faleoloa Laiti i Aso Sa
a. Le tapunia o faleoloa laiti i Aso Sa sei faatoa tatala faatasi ma supamaketi (supermarkets) i le 3:00pm.
2. Sauniga mo Maliu
a. Le faataga ona faia sauniga mo maliu i falesa poo faletapuai ae na o le 50 paga (couples) e mafai ona auai iai, ma e mo na o aiga ma uo;
e. E faatumau pea i le lima (5) tagata e auai atu i toe sauniga i luga o le tuugamau (falelauasiga).
3. Faigamalaga mo le Toe Faafo’iina mai o Tagatanuu o Samoa
a. Le faatinoina faavāvā o faigamalaga mo le toe faafo’iina mai o tagatanuu o Samoa mai Niu Sila i le tai tolu vaiaso mai le tai lua vaiaso sa iai.
O lea amata faamamaluina o nei suiga i le Aso Tofi 6 Aokuso 2020 seia toe iai se isi faaaliga.
E faatumauina pea o isi aiaiga o Poloaiga o Faalavelave Tutupu Faafuase’i na mua’i tuuina atu.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
