Ti’afau Fale, Millenia Hotel, Sogi. – E silia ma le to’a limasefulu sui auai mai I faalapotpotoga eseese a tagata lautele ale Fa’amalu mo Faalapotopotoga tumaoti o Samoa, ia na auai ile fonotaga faaletausaga lona luasefulu ma fa, e pei ona faatautaia ile Ti’afau Fale I le Faletalimalo o le Melenia i Sogi.
O le ta’ita’i o le Sauniga o le Susuga Reupena Le’au mai ile EFKS a Piu i Falealili.
O mataupu talanoaina I lea fonotaga e aofia ai Minute o le Fonotaga Faaletausaga 2021, Ripoti a le Peresetene 2021-2022, Ripoti ale Su’etusi ma Tala o Tupe Faaletausaga 2021-2022, Galuega faaletausaga ma le Tala Faatatau Autu o Tupe 2022-2023, Palotaina o le tofi Peresetene, Failautusi ma le Teutupe, ma le Palotaina o sui e to’afitu (7) o le Komiti Faafoe.
I le mae’a ai ole Fonotaga Faa-le-tausaga 2022, ua filifilia ai nei le Afioga Lavea Peseta Lua Nafo’i mai i le Autalavou EFKS i Tulaele, e avea ma Peresetene ale Faamalu mo Faalapotopotoga Tumaoti a Samoa mo le 2022 – 2024. O le Teutupe mo le 2022 – 2024, lea ua autasi sui auai e filifilia ai le Susuga Taule’ale’ausumai Toni TIpamaa, mai ile Faalapotopotoga tau ile Siosiomaga (Samoa Conservation Society). O le Failautusi 2022 – 2024, ua filifilia ai nei le afioga Mataafa Faatino Utumapu mai ile Faalapotopotoga o le Nuanua O Le Alofa.
Sui Auai ole Komiti Faafoe ale Faamalu mo Faalapotopotoga Tuma’oti a Samoa: 2022-2023
1. Amituana’i Fuimaono Dr Cecila Alailima (Independent Water Schemes Association)
2. Fiu Mataese (O Le Siosiomaga Society Incorporated)
3. Tofilau Raymond Voigt (Beekeepers Association of Samoa)
4. Fuatino Moli (Mix Farming Group)
5. Melesete Mano (Mauloa Development)
6. Selesele Uili Amani (Mata’itoa CBO Lepale)
7. Molioo Pio Molioo (Gaualofa Ministry)
Reserves:
1. Temukisa Tuaimau (Faataaua Le Ola)
2. Lyvia Black (Samoa Voyaging Society)
3. Paolo Sua (Alii ma Faipule Vaitele Tai)
O loo faaauau pea ona galulue soosootau’au le Faamalu ma Faalapotopotoga mo Tagata Lautele, ina ia mautinoa le una’ia ai o le vaaiga mamao ma le sini autu ale SUNGO mo le faalauteleina ma le faaleleia o atina’e aua le soifua manuia o tagatanuu o Samoa. —
End of release
