SAUNOAGA AUTU- Afioga i le Palemia, Hon Fiame Naomi Mataafa (Aso Tofi 24 Aperila 2025)
Susu Lau Susuga i le Ta’ita’i o le Sauniga, Rev. Mariota Siaea,
Afifio Afioga i Minisita o le Kapeneta,
Afifio le Komiti Fa’afoe, Lau Afioga i le Ta’ita’ifono ma lou auva’a,
Afifio Fa’aulu’uluga o Matagaluega Maoti o Feso’otaiga ma Falemeli a Samoa,
Le paia lasilasi o le auvala’aulia ma ē o lo’o fitoitonu iai lenei fa’amoemoe,
Ou te manatu lea ua mae’a paelago le paia o lo tatou taeao e le fofoga o le aso. Ma o le a lē toe o’o foi iai se fa’amatalaga aua o Paia lava mai le vavau e o’o lava i le fa’avavau.
O le auga o le asō, o lea ua mae’a ona fa’apāiaina ni ta’avale (delivery vans) i lalo o le Poloketi a le Iuni o Falemeli Fa’avaomalo a le Lalolagi i le Malo o Samoa, e tauala i le Auaunaga o Falemeli mo le fa’atinoina ma le fa’aleleia atoa o le auaunaga i totonu i le atunuu.
O le manulauti lea a le tatou Malo, ina ia fa’atino galuega mo le fa’aleleia o auaunaga a le Falemeli, ina ia faigofie i le mamalu o si o tatou atunu’u aua le nafataulimaina ma le fa’amalieina.
Ina ua faaoo atu le valaaulia tatou te auau faatasi i le faamoemoe i lenei taeao a le Afioga i le alii Minisita ia sa ou tali iai ia o Faiga favae a a lo tatou Malo e alu a le Minisita ia e tapena mataupu a lana Matagaluega, ae ua ou manatu o le taua o le auai mai i lenei taeao, o le auaunaga lenei a Falemeli pei o se auaunaga e le iloga tele i totonu o le atunuu ae peitai, tatou te iloa uma lava le taua o lea auaunaga aemaise i auala e fesootai ai ia tagata soifua e ala lea i meli, faamomoli ia ma tulaga faapena.
O le lalolagi foi o loo iai nei i faiga faa tekonolosi upega tafailagi ua faafaigofie ai ona fesootai tagata, ae peitai o itu faatino e ala i tusi, faamomoli, o meaalofa ia o lea foi ua iai le isi auga o lenei taeao ua faatulai mai se avanoa e galulue faapaaga ai le tatou falemeli ma pisinisi laiti, aemaise i le unaia o le auaunaga lea poo pisinisi o mea taulima
Ia o galuega uma lava e fesoasoani ai i le atunuu i le atinae e tagata taitoatasi ia aemaise foi le atunuu e ala mai i le latou foi faatupulaia o le tamaoaiga pe tauala mai foi i tiute ma lafoga mo le malo
O le isi mea le iloga tele mo le auaunaga lenei o le falemeli o se tasi nei o faalapotopotoga tumaoti a le malo na te ausia lava ana galuega faatulaga mai lea tausaga i lea tausaga, they meet their performance goals pe sili atu foi. E faatupulaia pea ia le latou sao i tupe e tuuina atu i totonu o le malo mo tatou atinae.
E pei o mea ia e le silafia mai e le lautele o le atunuu le faatinoga o le auaunaga ma le tulaga o le faatupulaia pea o le faaleleia o le auaunaga o se tasi nei o faalapotopotoga, e tulai mai pea i tausaga taitasi i le lelei faatino o ana auaunaga.
Ou te fia faaogana lenei avanoa e le gata e faailo ai lenei tulaga e le o silafia lautele ae momoli atu ai foi le faafetai i le taitaifono ma le tatou komiti faafoe ia aemaise o le pulega. Ia lau susuga i le Ofisa Sili o Pulega ia faapena le agaga e faaogaina lenei avanoa e momoli atu ai e le malo lana faafetai i la outou tautua faifai pea ma le tautua mae’ae’a tapena mo le auaunaga i lo tatou atunuu.
O lesi itu taua I le taeao lenei e faailo ai foi Faiga faapaaga o loo fapena ona lagolagosua i le faamoemoe o le atinae o le atunuu, e iai le Iuni o Falemeli Faavaomalo o loo faapea lava ona taitoaluaina le faamoemoe o lenei foi Vaega Tumaoti o le tatou Malo e lagolago mai i ana auaunaga.
O le laasaga lea o le galulue faapaaga ma pisinisi laiti o se isi laasaga fou lea e tali atu ai foi i manaoga o loo iai tatou pisinisi laiti e faalautele ma faalauiloa ai ma maua avanoa mo le faatauina o a latou oloa ua faapena ona saunia. Ia ma ou te manatu o auga ia e lua o lenei aso ua tatou potopoto mai ai ma e aoga lava lo tatou faailo o galuega faatino mai lea taimi i lea taimi e pine ai le laalaa pea i luma o tapenaga ma le auaunaga a lo tatou malo.
Ua tatala aloaia ai nei faamoemoe e lua
Soifua ma ia manuia
ENGLISH VERSION OF THE PRIME MINISTER’S SPEECH
Distinguished guests, Lau Susuga Rev Mariota Siaea, Hon Minister Mauu Siaosi Puepuemai, Madam Chair and members of the Board, esteemed CEOs, ladies and gentlemen,
We gather today to celebrate a significant advancement in Samoa’s postal services—the arrival of two delivery vans, a generous gift from the Universal Postal Union (UPU).
This contribution underscores the UPU’s unwavering commitment to supporting our nation’s infrastructure and enhancing the efficiency of our postal network.
These vans represent more than just vehicles; they symbolize our dedication to providing reliable and timely postal services to every corner of our beautiful islands.
Beyond the delivery vans, we also mark another milestone: the exciting partnership between Samoa Post and our local small businesses.
This collaboration will empower our artisans and entrepreneurs by providing them with a platform to showcase and sell their exquisite handicrafts and Samoan products.
This initiative will not only boost the local economy but also enrich the experiences of tourists visiting our shores, transforming Samoa Post into a convenient one-stop shop for unique souvenirs and Samoan treasures.
Imagine cruise ship passengers easily accessing authentic Samoan products and services—a truly compelling proposition.
This vision aligns perfectly with our Samoa government’s overarching goal: to ensure that essential services and products are accessible, affordable, and easy to obtain for all Samoans.
We are committed to simplifying processes and reducing barriers, making life easier for our people.
Our active participation in UPU forums reflects Samoa’s commitment to international collaboration and our adherence to the highest standards of postal operations.
This consistent commitment has fostered a strong and enduring partnership with the UPU, resulting in continued support and investment in Samoa’s postal infrastructure and development.
This is a testament to our nation’s dedication and responsible stewardship.
