SAUNOAGA AUTU a le afioga ia Valasi Luapitofanua Toogamaga Selesele, Minisita o le Soifua Maloloina.
Lau Susuga Fiti Tautogi;
Lau Afioga le Amapasa o le Malo o Iapani i Samoa, Excellency Ryotaro Suzuki;
Fa’apea le pa’ia ma le mamalu ua aofaga potopoto mai i lenei itula.
E pei ona silafia, ua tele ma anoanoa’i fesoasoani tu’uina mai e le Malo o Iapani, e fesoasoani ai ile atina’ega o le vaega lautele o le soifua maloloina, talu ona amatalia galuega fa’apa’aga ma le Malo o Samoa. O nisi o vaega na tauala mai ai le fesoasoani a le Malo o Iapani e aofia ai le ‘auina mai o nisi o iai tomai ma agava’a fa’apitoa e fesoasoani ai ile tulaga utiuti o iai le aufaigaluega o le soifua maloloina. E le gata i lea, ae fa’apea foi le ofoina mai o masini ma mea faigaluega o lo o mo’omia ile fa’atinoga o auaunaga ma togafitiga o le soifua maloloina i lalo o le polokalame fesoasoani a le Malo o Iapani, faatasi ai ma le fa’afoeina o nisi o galuega ma atina’e tetele mo le soifua maloloina.
I le asō ma lona fa’amoemoe, o lea ua tatou molimauina ai nisi o fesoasoani a le Malo o Iapani, e pei ole foaaina mai o le Auaunaga feaveai o le Soifua Maloloina (Mobile Clinic). O lenei fesoasoani e tusa lona fa’atupeina ma le JPY58,400,000.00 tusa ma le SAT1.1milliona, ma o lo o fa’atupeina i lalo o le Fesoasoani a le Malo o Iapani (Japan’s grant Aid for the Economic and Social Development Programme). O lenei tau atoa o loo aofia ai ma tau o le femalagaiga ma le faatautaia o aoaoga mo le faaaogaina o le taavale.
O lenei ta’avale ua foa’iina mai, o le a fesoasoani ia tatou taumafaiga e le gata I le falemai tele iinei I Apia, aemaise falemai faaleitumalo, o loo iai fomai ma isi tomai ese’ese ua faamautu ai nei.
O lenei taavale olea lagolagoina tele I le taula’i a Samoa I le faaleleia atili o le Soifua Maloloina lautele, faapea foi ma le faamautinoaina o auaunaga mo tagata uma e pei ona atagia mai ile taiala mo le atina’e o Samoa (Pathway for the Development of Samoa). O le a fesoasoani tele lenei fa’amanuiaga ile fa’aleleia atili o a tatou galuega ma auaunaga fa’atinoina, aua lava le fa’atinoga o puipuiga fa’apea foi ma tapenaga, pe a o’o ina afatia i tatou i so’o se fa’alavelave.
O lea, e avea ai lo’u fa’atauva’a e fai ma sui o le Malo ma Tagatānu’u o le Malo o Samoa, e momoli atu ai lo matou agaga Faafetai ile Malo o Iapani e tauala atu i le Susuga ile Amapasa, Excellency Ryotaro Suzuki, mo lenei meaalofa tāua ua tau’aaoina ile asō, aemaise ai, o le fa’aauauina pea o le galulue fa’apa’aga ma le malo o Samoa i taumafaiga uma o lo o fa’atinoina, aua lava le Soifua maloloina o Samoa.
Soifua, ma ia manuia.
HANDOVER OF NEW MOBILE CLINIC VEHICLE
KEYNOTE ADDRESS by the Minister of Health Hon. Valasi Luapitofanua Toogamaga Tafito Selesele
Lau Susuga Fiti Tautogi, Your Excellency Ryotaro Suzuki Ambassador Extraordinary of Japan to Samoa.
The Government of Japan has been a key partner in Samoa’s development over the past years, in which Samoa has benefitted significantly, through the provision of technical expertise; financial assistance; organizational and coordination support provided by Japan for several sectors of Government.
The procurement of this Mobile Clinic was funded under the Japan’s grant Aid for the Economic and Social Development Programme, procured by the Japan International Cooperation System, at the cost of JPY58,400,000.00 equivalent to $1.1 million tala including transportation and training.
The donation of the Mobile Clinic is very crucial as it will contribute to our efforts not only at the main hospital here in Apia but especially the district hospitals, where doctors and various technical health expertise are now stationed.
This Mobile Clinic will greatly support Samoa’s focus on improving Public Health and ensuring access to quality healthcare for all as indicated in its Pathway for the Development of Samoa FY2021/22-FY2025/26. Additionally, it will significantly strengthen the health sector by increasing accessibility, improving preventive care, and promoting resilience in public health delivery, especially for isolated or underserved communities.
On behalf of the Government and People of Samoa I wish to thank the Government of Japan, for your commitment in assisting Samoa’s national efforts especially towards enhancing the work of the Health Sector.
Soifua.
Photo by the Government of Samoa [Leaosa Faaifo Faaifo]
