Aso Lua 11 Aperila, 2023
- Faasaini ina o Maliega tau tupe o le Miliona
O le asō, o lea fa’atautaia ai le sainigalima a le Malo o Samoa e tauala atu i le Matagaluega o Tina ma Tamaitai, Atinae o Afioaga ma Agafeso’otai ma Fono Fa’avae a Itumalo ua lautogia. I le maea ai o iloiloga o ripoti a suetusi i le fa’aogaina o le $200,000 mo le fausiaina o Ofisa a Itumalo ma isi, ma ua pasia aloaia ai e le Komiti Fa’afoe (Steering Committee) ma agava’a ai loa i le fa’asainiina o maliega tau tupe o le Miliona Tala ma fa’amatu’u ai le $150,000 (15%) mo le fa’agaioiina o Ofisa a Fono Fa’avae a Itumalo.
O Itumalo nei e fa (4) ua pasia aloaia ma o lea fa’asaini ina maliega tau tupe o le Miliona;
- Anoamaa 2
- Falelatai & Samatau
- Vaimauga 1
- Safata 1
Ua tolusefulu iva (39) Fono Fa’avae a Itumalo ua maea ona sainia maliega tau tupe o le Miliona ma fa’amatu’uina atu ai ta’i $150,000 mo le fa’agaioiina o Ofisa o Fono Fa’avae a Itumalo. Toe 12 itumalo o lo’o totoe nei ma le fa’amoemoega o le matagaluega ina ia fa’asopolia uma Itumalo e 51 i le fa’aiuga o le masina fou.
- Itumalo ua fa’amaonia ma pasia taiala o atinae mo le fa’amatu’uina o le $425,000 (1st Tranche)
E iva (9) Fono Fa’avae a Itumalo ua maea ona iloiloina e le matagaluega ma pasia aloaia ai e le Komoti Fa’afoe (Steering Committee) ia Taiala o Atinae (District Development Plan) sa tu’uina mai. Ua lautogia nei Itumalo i le fa’amatu’uina atu o le Vaega Tupe $425,000 mo atinae a Itumalo pe a maea le fa’atalatalanoaga a le Komiti a Itumalo ma le Komiti galulue a le poloketi (One on One Consultation).
O Fono Fa’avae a Itumalo nei ua lautogia mo le $425k muamua;
- Palauli 1
- Anoamaa 2
- Salega 1
- Vaa o Fonoti
- Vaimauga 3
- Aleipata Itupa I Lalo
- Gagaifomauga 2
- Anoamaa 1
- Falelatai & Samatau
I le tu’ufa’atasiga, ua tolusefulu lima (35) Fono Fa’avae a Itumalo ua maea ona pasia e le Komiti Fa’afoe (Steering Committee) ia taiala o atinae ma fa’amatu’uina ai vaega tupe muamua e $425,000 mo le fa’atinoina o atinae ma poloketi a Itumalo.
